opera prima di Peppe Licciardi

Peppe Licciardi - Wikipedia

un'opera musicale a tema con tutti brani che inneggiano l'amore in tutte le sue forme.

l’ammore

Peppe Licciardi

È ll’ammore, ll’ammore, ll’ammore

ca te fa cammenà dint’ô ffuoco e nnun more.

È ll’ammore, ll’ammore, ll’ammore

ca te po ffa’ cchiù mmale ’e nu mare ’e veleno

e tte porta luntano, luntano,

e tte lassa p’ ’a mano,

dint’ô scuro ’e na strada tu sulo…

manco ’a luce d’ ’a luna.

È ll’ammore, ll’ammore, ll’ammore

ca te spezza ’int’a nniente tutte ll’ossa d’ ’e mmane;

è ll’ammore, ll’ammore, ll’ammore

ca te fa cammenà ncopp’ê nnuvole e a mmare…

po’ pe nniente te fa cadé nfunno

addó moreno ’e suonne…

e lluntano, luntano, tu sulo,

t’accumpagna ’a paura.

E ll’ammore nun vene si ’o chiamme,

nun è cchiù rrobba toja.

E ll’ammore nun sente l’lammore,

va addu chi straccia ’e suonne…

Quann’âmmore te trase ’int’ê vvene

fa cchiù mmale ’e na dose ’e veleno,

nu veleno che appanna ’e penziere

e tte veste cu ’e spine…

È ll’ammore, ll’ammore, ll’ammore

ca te nfonn’ ’e pparole ’int’ê llacreme amare,

è ll’ammore, ll’ammore, ll’ammore

’a passione cchiù fforte ’e na stella che mmore

e tte struje e tt’abbrucia ’e penziere

e tte sceta dô suonno

e, guardànnete dinto, t’accuorge

ca ’un ce stà cchiù nnisciuno…